我又唔見銀包。

我多數都會無聲無息地自己解決左佢,但適逄開sem,好多錢要駛,所以我投降,話左俾娘親知。

我多數都會等一兩日先報失身分證,一黎因為要親身去,公務員好巴閉,一星期做五日,做到五點就收工,好難就時間去。二係我想搏有人就算執倒我銀包,拎走D錢都會交番D證件去差館。
但娘親堅持話要即刻去報失,好啦,反正星期二day off。

尋日我原本係打算睇學校醫生拎轉介信去睇專科既,問人借左廿蚊,15蚊睇次醫生,仲有5蚊可以搭5C番屋企。

第二朝,唔知我老豆做咩咁急,神咁早扯我去廣華排期,2012年既11月我就會有得第一次見醫生。
排完期就話去報失。以我經驗,如果唔係網上預約,去到都好難有籌,果時仲要已經11點幾。

老豆話要去撞下,點知去到,一隻鬼也沒有。我果時呢,係好開心,因為唔駛特登再搵日黎搞。我果時係一拎倒表就即刻入去打手指模。打打下,恆生打黎,佢叫遲下打番去。前後10分鐘倒就拎倒行街紙。

打番去恆生,你估下佢同我講咩!
佢話呀,有位吳先生執倒我銀包,叫我去九龍車廠拎番......

我好似每次講完:乜身份證張相影得咁肉酸"之後都會唔見銀包......
我唔見銀包果時,仲俾學校個鋼造既廁紙筒夾損左手背(!???),黑過乜......

Comments

Post a Comment

Popular Posts