<屌文>整電腦

我差少少就痴左線。

上星期日,電腦無啦啦唔睬人。相熟既鋪頭星期日唔做生意,焗住拎去城市網絡電腦系統有限公司,係貪佢門口棟住個易拉架話一小時特快維修。結果一等,等左我兩日。原來係個bios太舊,佢依家幫我update番喇,佢話。承惠180蚊。

拎到番屋企,用左一晚,第二朝又係唔x著機!
拎番落去,再等多日半,我踩上門,佢問我,喂,你有無試過開開下熄機呀?無呀我話。佢話,咁你依家番去試下啦。我問佢,點解會無啦啦唔著機呀?佢話,下,呢d野,好難講架喎,我都唔清楚,你番去試下換隻火牛啦。我心諗,wtf。但見佢真係著番機,唯有搬番屋企。

番到屋企,見倒底板,未入到windows,又熄左……本死一試,換鬼左隻火牛,今次連黑底白字都睇唔倒。

把鬼火,拎番去相熟既鋪頭。果180蚊我當趺左俾狗食埋,拖足我成個星期!!人地同我著足3日機,清ram,check晒所有硬件,最後發現係底板壞左。換埋,執埋個windows,只係收左我170蚊維修費,3日起貨。

城市網絡電腦系統有限公司,我代表埋負責找數既老豆屌你老母。

Comments

Popular Posts