有potential賣保險的基督徒

(*寫於080218)
我家樓下常有某大型教會的教徒扯著陌生人傳教,叫做「街佈」,即是像流鶯站在街頭扯著路過的麻甩佬找生意一樣。不過他們的對像大多是毛都未出齊,心智尚未成熟的青少年。

我的樣子何止像未出毛,甚直頭奶都未戒咁款。碰上他們狙擊槍般的眼神,我便知自己劫數難逃。想轉身跑?太遲了。
一男一女、一左一右,問你星期日有乜做,鍾唔鍾意BBQ打波野餐打羽毛球彈結他跳舞吹水打閃避球,扯到火星直徑是多少時還未提到他們的宗教。到底我碰見的是號稱要打救罪人的教徒嗎?有待研究。

那還不算煩。
不幸遇上個痴線的更慘。
呀,喂。你知唔知你有罪。信耶穌啦,咁你先會得救信左耶穌,你以後既人生就有佢既看顧帶領,有咩唔好既事,都只係佢俾你既考驗。只要你誠心悔改,佢一定會睇住你,死後仲可以得永生上天堂添!那你依家既人生係咪好痛苦,係因為你唔依靠佢......你依家拒絕佢既恩典,上帝就會要你瞎眼(唔准笑,呢條係我BK考試既MC題目黎)

這種教徒,絕對是保險業的未來新星。
你行出街可能俾車車死,俾花盆揼死,上帝睇你唔順眼行雷劈死你,咁到時你個老婆同竇仔女點算?唔駛驚,你依家只要付出你人工既十分之一供我份plan,我包你生養死葬,子孫生活無憂......


是基督徒的同學,最近最好不要發姣跟我講耶穌。青山覆我話未有床位offer,好depressed。

後記
現在再看,覺得有些地方寫錯了。我藐視了保險從業員的專業態度。
對不起,我不應把你們與他們相提並論的。

Comments

Post a Comment

Popular Posts