Search This Blog

Loading...

20150428

露營‧籮箕灣‧中

這篇文是三星期以前打在evernote裡頭的,但一直忘了upload上blog。

襯還未入黑無星睇時寫幾句

這次行程只預先計劃了裝備,出發及回程時間或路線一概欠奉,同事問我何時返黎,我只有答可能係聽日可能係後日但都有可能係今日……只有地點是肯定的(其實出門時我曾一度考慮改去西貢的赤徑,但怕太多人而作罷)

物資清單變動了好幾次,放下了營燈(諗真真係無用,我又無營,又不會像個打更佬似的在沙灘走來走去),多帶了斧頭(劈柴用,但未出發已劈爛了背囊內袋),大垃圾膠袋(萬一太凍可以當睡袋用,或是裝滿松針當地席用,但我已經找到一舊很平整的大岩石)

剛到埗就在海邊挖了個洞,把在七仔買的兩枝白酒給埋了,在晚飯時間酒就會夠凍

如果有看過我寫石澳那次毒自露營的文章,大概就猜到後事如何

挖窿(除了是夫妻間的玩意,還是自閉兒童的最愛運動)然後執柴(俾我執到堆碎炭),批樹枝造燒烤叉,起火,煲飯,煨粟米,在等飯熟的時候,我到岸邊打算把酒挖出來,岸邊有隻大水母的屍體,我就把酒埋在大水母五呎以外,但後來我如何挖都找不到

飯熟了,吃完飯再找,就這樣來來往往,在我第三次下海 下水時,我看見那隻大水母居然在飄……

我本應該已微醉倒在岩石上,但因為大水母,世間就有了這篇文存在

20150404

露營 - 籮箕灣

上次,又再去孤身無目的無了期無野搞無人陪無x聊的露營。

今次去大嶼山的籮箕灣。

物資清單:
  1. 刀仔 - 批尖樹枝當燒烤叉用
  2. 營燈 - 無營,睡覺時會放在旁邊
  3. 頭燈 - 屙夜尿必備,不想趺落旱廁屎坑
  4. First Aid Kit
  5. 爛衫褲1套 - 已經著住黎訓
  6. 替換衣物1套 - 因會落海游水
  7. 火機 - 低能兒仲未學識鑽木取火
  8. 尿袋 - 怕遇上緊急情況時無電,如上次到此營地時半夜遇上II泊岸,報警後整晚都有直升機在頭頂盤旋
  9. 風箏 - 我突然好想放風箏......(未買)
  10. 蕃薯 - 食既(未買)
  11. 粟米 - 食既(未買)
  12. 豆腐卜 - 食既 (未買)
  13. 雞翼 - 試過燒乳鴿,又耐又無肉食(未買)
  14. 排包 - 食既(未買)
  15. 鍚紙幾張 - 要黎包住蕃薯同粟米,用枯葉生火煨
  16. 鍚紙兜 - 煲水用,總不能用樹枝叉住水黎煲吧?
  17. 勞工手套1隻 - 會沿岸邊岩石綑邊爬一圈,但不知何故只得1隻
  18. 沙灘鞋 - 綑邊時用,平時可當拖鞋用
  19. 麥卡倫威士忌 - 長夜漫漫...

20150227

Day 5

去了東京五日,買了一對波boot,一盒梅茶,一盒散水餅。
盒餅放到過期都唔知散左未,頂。

20150214

Day 4

辭職信打回頭
未解決...未解決...

我依家先發現,寫校園生活同依家份工都可以用「順利山上」呢個標籤。

20150203

Day 3

因為已經口頭辭左職既關係,呢星期兩個會我都爆左seed,講左好多我一直想講又唔淆底唔敢講既野。因此(成件事係幾咁黑色幽默),我換左個internal transfer機會返黎。
由center(只要唔非禮小朋友,得罪老細已經做左就千秋萬代)換成project位(funding閂水喉就成條team收皮)。
仲臨時俾人安左落社運工作組,睇黎係我上路前係都要chur死我先收手。

20150201

Day 2

數下今日有乜開心事

1)只係遲左半個鐘收工。
2)買到岩size手套,去日本唔駛凍死。
3)朋友幫我修眉。
4)朋友介紹新動畫,笑餐飽,玩到12點先捨得走。

20140919

該走的不走...

一個月內6個社工辭職。
有能有心者走,無能有心者捱,有能無心者得,無能無心者千秋萬歲。

倡導公義喎,我一開始信你都on99


份工既本質係empowerment,但日常工作不停被老頂dispower,應如何自處?
讓我很老土的用年紀劃分人生,踏入第24個年頭,最大的感受是失望,是對自己的失望。

20140905

轉貼空姐

一起,分開。

每次聽到朋友與另一半決定分開的消息,總是莫名其妙的感懷。

不能再在一起,背後原因太多。

最怕旁人用「只不過是愛得不夠」,便將別人的一段,硬生生結案陳詞。

小說裡的愛情和眼淚,根本沒有溫度。

生活是柴米油鹽,又不是文字雕花。

走不下去了,真的走不下去了,怎會不傷心?

百世修來同船渡,千世修來共枕眠,以為從此扣穩了,原來不是。

他和她,尚欠三千世的緣份,才可同度一生。